কবিতাঃ আত্মান্বেষণ / নাহিদা আশৰাফী

আত্মান্বেষণ 
মূলঃ নাহিদা আশৰাফী (বাংলা)
অসমীয়া ভাঙনিঃ কুমুদ ঘোষ

---

  

হাতে দোষাৰোপ কৰিলে ভৰিক ।

ভৰিয়ে চকুক

চকুৱে ভোকক

ভোকে দোষাৰোপ কৰিলে কাণক 

ইমানবোৰ হুলস্থূল, দেহযুদ্ধত ভয় খাই আত্মা

হাতত সাৰে ভৰিত সাৰে ওলাই আহি

খোজ কঢ়াত লাগিল অন্ধকাৰত …

এতিয়া সি জৰিগছৰ তলত

কুঁচিমুচি হৈ শুই আছে বৃক্ষৰ জন্মৰ আশাত…।

কবি পৰিচিতিঃ নাহিদা আশৰাফী বাংলাদেশৰ এগৰাকী কবি, লেখক । ‘এপিটাফ’, ‘প্ৰেম নিয়ে পাখিৰা যা ভাবে’ কবিৰ প্ৰকাশিত একক কাব্য সঙ্কলন । আনহাতে ‘মায়াবৃক্ষ’, ‘জাদুৰ ট্ৰাঙ্ক ও বিবৰ্ণ বিষাদেৰা’ একক গল্প সঙ্কলন । সাহিত্য পত্ৰিকা ‘জলধি’ৰো সম্পাদক । বহুকেইটা পুৰস্কাৰ আৰু সম্মানেৰে এইগৰাকী কবি সম্মানিত হৈছে । কবিৰ সানন্দ অনুমতি সাপেক্ষে বৰ্তমানৰ কবিতাটি অনুবাদ কৰা হ’ল ।